يامصر.. يامه .. بقلم الأستاذ / هشام صيام

يا مصر .... يامه ...

يا مصر يامه
قولي الحق ..
المسلم أخو القبطي
ولا .......
.... لاء ....،،
يا أم الدنيا
أنا ...
في عرضك ..
رجعينا نرضع
الحب ...
من صدرك ..
متفطمناش ....
متفطمناش ..،،
لبن الأم حنانه
بيروي ..
متسيبناش في
حضن غيرك
ده كره ....
في كره ...
في العروق ...
... بيغلي ..
يا مصر يامه
قولي الحق
المسلم أخو القبطي
ولا .....
.... لاء ...،،،
هجرة ....
تكفير ......
تبشير ........
فنلات ..........
كوافيل ..........
بضاعة بايرة
في سلوفانه هايلة
نبتة شقا في
شكل
جميل ...
يا مصر يامه
قولي الحق
المسلم أخو القبطي
ولا .....
..... لاء ...،،،
قتلوا الضحكة
باسم الدين ...
شقوا صدورنا
بالسكين ...
ليه يا اخونا
قالوا مجون
أغسل ...
اغسل ..
بالبنزين ....
جَه مجنون
ومعاه كبريت
شط العود
ورماه في الزيت
هب الزيت ويالبنزين
هب في فاطمة
قبل جوزفين ...
يا مصر يامه
قولي الحق
المسلم أخو القبطي
ولا .......
..... لاء ...،،،
غربتونا في بيتنا
سنين ...
آآآآه ....
زمان كنا أخوات
همنا واحد ....
فرحنا واحد .......
دلوقتي خلاص
مرقص وحسين
بيحكو ...
بيضحكو ....
متغصبين ...
نار الفتنه مشعلله
بينهم
نبض قلوبهم نأبه
حزين ....
نار الفتنة غشيمة
بتلطش
جامع .....
كنيسة .......
والله ما تفرق ..
يابن سلول بزياده
نفاق ....
لحية .......
وسبحة .....
وصليب ......
والزرعة
فراق ...
يا مصر يامه
قولي الحق
المسلم اخو القبطي
ولا ....
.... لاء ...

هشام ....
١٢ ديسمبر ٢٠١٦