** وابورالكوارث ** .. بقلم الأستاذ/ وائل مسلم

** وابورالكوارث ** بقلم ** وائل مسلم ** 
يا قطر جاي من بعيد
لية كل يوم حادثة سكة حديد 
لية كل يوم الاحزان بتزيد 
لية في كل رحلة حالف علي كارثة وفي التصادم بتعيد 
كفاياك يا قطر احزان قتلت الطفل الوليد
يا حزن امشي بقي وارحل بعيد
يا خسارة الاهمال والفساد بقي شي عنيد
عايز افرح واكون في العيد بجد سعيد
يا قطر خدت الاهل والخلان وبقيت انا وحيد
لية الاهمال زاد عن الحد
دة الفساد والاهمال زي الارهاب عايز قطع الايد
والقي في عز الكارثة اتنين مسعفين بيصورو سلفي بدم بارد جليد
كفاية بقي اقتلوا الفساد اللعين والاهمال دة شيطان مريد
ولو سمحتم يا مسئولين المنظومة عايزة تجديد
وحاسبوا المهملين وعلقوهم في الميادين من الاعناق واقطعوا لهم الوريد
شوفوا مين الغلطان وحاكموا المسئول البليد
وامسحوا بقي الاهمال العتيد
وحاسبوا المقصرين مش بالاقالة بل بالضرب بيد من حديد
عايزين نرجع زي زمان حياتنا افراح وليالي ملاح وترجع لمكانتها السكة الحديد
وترجع الهيئة زي العهد اللي كنا بنفتخر بية في النظام والنظافة ويرجع المجد التليد