مني خايفة ولا من الناس؟ .. بقلم الأستاذ / مازن عمر

مني خايفة ولا من الناس؟

واقفة تحاولي بنظرة تشاوري
وخايفة من الناس
عيونك تقولي تعالى
قابلني وقلبك ينبض
احساس
ولما اقدم وحضنك خلاص هيسلم
الائيكي وقفتي وعني بعدتي
هو الحب كدا ينقاس؟
 مني خايفة ولا من الناس؟

الليالي معذباكي
والاماني بتناديكي
الافراح معنداكي
والبرد سكن ايديكي
مين غيري يسهر معاكي
مين هيدفي لياليكي
ليه احزانك حواليكي
حراس
هو الحب كدا ينقاس؟
 مني خايفة ولا من الناس؟

متلوميش على النصيب
قلبك ندالي وقالك حبيب
بشوقه لوحده جالي
نفسه يكونلي قريب
عمرنا لحظة وثواني
متخليش حيرتك تسيب
قلوبنا من الوحدة تعاني
من لنا غيرنا حسيب
بلاش عمرنا يضيع مننا
ونفول خلاص...
هو الحب كدا ينقاس؟
 مني خايفة ولا من الناس؟

مازن عمر