امبارح كنت ف سيرتك .. بقلم الأستاذ / محمد العربي

امبارح كنت ف سيرتك 
=========== 
امبارح كنت ف سيرتك 
كنت بوصى القلب عليك 
وبشوق عينى لصورتك 
أصلى بفكر لييا و ليك
وبقرَب م الأحلام طيفك
و بحبك و بحب كسوفك
لو عدى اليوم قبل م اشوفك
بشكيك لعنيك و اسأل قلبك
امبارح كنت ف سيرتك
و بقول لو كان بايديا
يا أغلا ما ليَا ما يغلا عليك
لو تطلب عمرى شويه
خد من عمرى اللى يكفيك
يا مالكنى بفكرى و احساسى
لو تؤمر هوا أمرك ماشى
لو قلت الدنيا متحلاشى
تحلو ساعات لمَا بأبلك
بقلمى \ محمد العربى