يادنيا .. لـ شاعر العامية / محمد العربي

يا دنيا 
يا دنيا راحت خلاص 
أيامك الحلوه 
دى العشره كانت زمان 
الناس كانت حلوه 
و الحلو مش بالعلام
يحفظلو كام كلمه
وان كان بيلوى اللسان
و يزوَق الغنوه
بردو الكلام بيبان
عنوانه من كلمه
فيه اللى بان ف عنيه
غير اللى بيقوله
و اللى بيجرى عليه
فى الشر و يطوله
و اللى يدوس ع الناس
و يهزَلك طوله
بكره السنين تكسره
لمَا يجيه دوره
داللى يكون طباخ
السم بيدوقه
واللى بيزرع خير
السعد بينوله
بقلمى \ محمد العربى